Харекет қоры үлкен бір шырағынан айырылды…

Мөлдір – ақкөңілдігімен айналасына нұр шашқан, адалдығы мен бауырмалдығымен талай жанның жүрегіне жол тапқан асыл жан еді. Оның жасаған жақсылығы үнсіз қалмайтын, бір отбасының үмітіне, бір баланың қуанышына айналатын.

Қаншама мұқтаж жан Мөлдірдің мейірім қолын сезініп, өмірге қайта сенген еді… Әттең! Әр әрекетімен әлемге мейірім үмітін жағып жүрген Мөлдіріміз енді жоқ… Артында үш перзенті мен сансыз сағынышы, ал біздің жүрегімізде орны ешқашан толмайтын ауыр өкініш қалды.

Алла Тағала Мөлдірдің иманын жолдас қылып, жанын жәннат төріне қондырсын, артында қалған балаларына Өзі жар болсын...

Сен біздің жүрегіміздесің, Мөлдір...